TechHub ekimenak tratamenduetan tresna aurreratuak integratzeko aukera emanen du, pertsonen autonomia eta bizi-kalitatea hobetzeko helburuarekin
La Asociación de Daño Cerebral de Navarra (Adacen) con la colaboración de LABORAL Kutxa ha comenzado a desarrollar el proyecto “TechHub- Hub de Rehabilitación Personalizada con Tecnología Innovadora”, orientado a reforzar la neurorrehabilitación de personas con daño cerebral adquirido mediante una infraestructura de integración tecnológica. La iniciativa busca mejorar la eficacia de los tratamientos y adaptarlos a las necesidades específicas de cada persona en un contexto en el que la personalización de la atención resulta clave. Maitane Bueno Zabalza, Directora de Zona y Karmele Segura Azkarate, responsable de comunicación de Laboral Kutxa han estado en Adacen conociendo el proyecto.
Ekimena arlo horretan ezaguna den errealitate batetik abiatzen da: garun kalte bakoitzak ondorio ezberdinak sortzen ditu eta pertsona bakoitzaren gaitasun zein helburuetara egokitutako esku-hartzeen beharra du. Ildo horretan, TechHubek Adaceneko profesionalek erabiltzen dituzten tresna teknologikoak prozesu terapeutikoetan integratzea proposatzen du, ezagutza klinikoa eta datuen analisia uztartuz, errehabilitazio zehatzago eta eraginkorrago baterantz jotzeko.
Un hub es un punto de conexión, coordinación e impulso donde se unen diferentes recursos, personas o conocimientos para conseguir un objetivo común.
Pertsonan oinarritutako arreta
Lan-eredua erabiltzaile bakoitzaren balorazioan oinarrituko da. Hortik abiatuta, arreta-plan egokitu bat diseinatuko da, esku-hartze profesionala eta laguntza teknologikoa konbinatuz. Proiektuak urtean zehar hartutako garun kaltea duten 70 pertsona artatzea aurreikusten du, saio terapeutikoetan teknologiari garrantzi berezia emanez.
TechHub proiektua Adacenek berrikuntzaren arloan duen ibilbidean oinarritzen da. Izan ere, elkarteak esperientzia sendoa du tresna teknologikoen erabileran eta ikerketa aplikatuko proiektuen garapenean. Ekimen honen bidez, entitateak pertsonan oinarritutako arreta-eredu baten aldeko apustua egin du, ebidentzian oinarrituta eta gaitasun funtzionalak nahiz parte-hartze soziala hobetzera edo mantentzera bideratuta dagoena.
Jarduera-ildo desberdinak
TechHub-en esku-hartze eredua hainbat lan-ildotan egituratzen da.
Errehabilitazio kognitiboaren esparruan, teknologiak programa terapeutikoak indartzea ahalbidetuko du, estimulazio kognitiboan oinarritutako plataforma digitalak, mahai interaktiboak eta errealitate birtualeko inguruneak erabiliz. Tresna horien bidez, memoria, arreta, planifikazioa edo arazoen ebazpena bezalako funtzioak landuko dira. Gainera, gamifikazio bidezko dinamikek motibazioa eta tratamenduekiko atxikimendua sustatuko dituzte. Telerrehabilitazio-plataformen erabilerari esker, aurrez aurreko saioak urruneko esku-hartzeekin osatu ahal izanen dira, jarraitutasun terapeutikoa erraztuz eta errehabilitazioaren sarbidea zabalduz.
Errehabilitazio fisikoaren arloan, proiektuak robotika terapeutikoko gailuak, estimulazio elektriko funtzionaleko sistemak eta mugimendurako laguntza-teknologiak txertatuko ditu, goiko eta beheko gorputz-adarren mugikortasuna, oreka eta koordinazioa lantzea ahalbidetzen dutenak. Tresna horiek ariketa errepikakor eta pertsonalizatuak zehaztasun handiagoz egiteko aukera ematen dute, eta, era berean, denbora errealean informazioa eskaintzen diete bai erabiltzaileari eta baita profesional-taldeari ere, berreskuratze-prozesura egokitutako errehabilitazio intentsiboagoa bultzatuz.
Komunikazioa eta hizkuntzari dagokienez, proiektuak logopedia-errehabilitazioa errazteko eta komunikazio-sistema alternatiboak eta handigarriak garatzeko tresna teknologikoak txertatuko ditu. Plataforma digital espezializatuak, aplikazio zehatzak eta piktogrametan edo ahots sintetizatuan oinarritutako sistemak erabiliz, esku-hartzeak pertsona bakoitzaren beharretara egokitu ahal izanen dira, eguneroko bizitzan eta ingurune sozialean parte hartzea erraztuz.
Azkenik, proiektuak monitorizazio funtzional eta neurofisiologikorako sistemak baliatuko ditu, erabiltzaileen bilakaera modu objektiboan ebaluatzeko helburuarekin. Sentsore aurreratuen, neurketa funtzionaleko gailuen eta garun-jardueraren erregistroaren bidez, esku-hartze terapeutikoen aurreko erantzuna aztertu eta errehabilitazio-planak lortutako emaitzen arabera egokitu ahal izanen dira, datuetan oinarritutako arreta-eredu baterantz aurrera eginez.
José Luis Herrera Zubeldía Adaceneko presidenteak adierazi duenez, “egungo erronka ez da soilik teknologia txertatzea, errehabilitazio prozesuetan modu koherentean integratzea baizik, erabiltzaileentzat benetan baliagarria izan dadin”. Era berean, honakoa azpimarratu du: “TechHubek arreta pertsonalizatuago baterantz aurrera egitea ahalbidetzen du, pertsona bakoitzaren benetako beharretara egokituta eta bere eguneroko bizitzarekin lotuta”.
Proiektuaren garapenak LABORAL Kutxaren babesa du, gizarte-ekimenekin duen konpromisoari esker, eta Adacenek hartutako garun kaltea duten pertsonei eta haien familiei eskaintzen dien arreta hobetzen jarraitzea posible eginen du.
Laboral Kutxa
LABORAL Kutxan pertsonak jartzen ditugu erdigunean, eta haien bizi-proiektuetan bidelagun izaten gara, gertutasunez, errespetuz eta finantza-esparrutik haratago doan konpromisoarekin.
Garapen ekonomiko arduratsu eta jasangarriaren alde egiten dugu lan, ongizate kolektiboa sustatzeko eta gure inguruaren bizi-kalitatea hobetzeko helburuarekin.
Zintzotasunez, konfiantzaz eta gizarte-bokazioz jarduten dugu, etikan eta koherentzian oinarritutako harreman iraunkorrak eraikiz.
LABORAL Kutxa orienta sus esfuerzos a la construcción de sociedades más igualitarias, apostando decididamente por servicios y apoyos dirigidos a las personas en situación de mayor vulnerabilidad, como quienes conviven con daño cerebral y sus familias, impulsando la inclusión y la cohesión social.